Ентериер
Soft Chic
Сектор
Ентериер
Локација
Аеродром, Скопје
Година
2022, изведен
Површина
60м2
Дизајн на ентериер
Архикс Студио
3д визуелизации
Архикс Студио
Инвеститор
приватен
Ова е втор ентериер кој го дизајнираме за овој пар, првиот е ентериерот Terra, а вториот ентериерот Soft Chic. Дизајниран за брачен пар кој живее во Франција, па носи со себе амбиент кој е модерен осврт на буржоазиските француски домови. Францускиот класичен стил се одразува со профилираните лајсни на ѕидовите како и со нежните бели и беж тонови и секако карактеристичната загасита розеникава нијанса.
Просторна организација
Во станот се влегува во еден голем простор каде се споени дневната, трпезаријата и кујната. Бидејќи влезниот дел во еден дом е многу важен, одлучивме да го „одделиме“ визуелно со полица која е транспарентна (не го смалува просторот) но сепак го имаме чувството на влез во домот. Понатака се развиваат другите простори, спална соба, бања , како и работна соба.
Форми материјали и текстури
Лајсните и спуштените плафони се со доминантно прави линии и заоблени агли кои му даваат мекост на просторот. Висината во ентериерот исто така допринесува за чувство на елеганцијата и издолженост, заедно со драпериите и висечките лустери кои фигурираат во дневната соба. Нежните текстури како репер на францускиот класичен стил во комбинација со еклектичните текстури на деталите кои го отсликуваат модернизмот совршено се вклопуваат и прават луксузен амбиент во просторот. Ѕидот кај трпезариската маса е акцентиран и е направен со техника теракота во нежна розева боја. Внимателно одбраните уметнички дела дополнително алудираат на Франција и го збогатуваат овој дом.
Осветлување
Осветлувањето кое е секогаш важен фактор на кој обрнуваме посебно внимание, додава на квалитетот на еден дом. Така во овој ентериер со комбинација од спуштени плафони и висечки лустери е постигната совршена илуминација на просторот.
Погледнете повеќе слики во галеријата
