Ентериер
Metropolis
Сектор
Ентериер
Локација
Аеродром, Скопје
Година
2024
Површина
55м2
Дизајн на ентериер
Архикс Студио
3д визуелизации
Архикс Студио
Инвеститор
приватен
Ова е стан наменет за двајца студенти со можност во иднина лесно да се пренамени во фамилијарен стан. Со таа цел ентериерот е уреден во модерен комбиниран стил на елементи на скандинавски и индустриски стил, што прави одличен баланс кој зрачи со авангардност. Белите нежни тонови, кои беа желба на клиентот го прават просторот префинет и софистициран, додека индустриските елементи даваат карактер на просторот кој асоцира на современите станови во Њу Јорк.
Просторна композиција
Карактеристично за овој стан е неговата позиција во самата зграда, на аголот на Г-форма. Ова нуди прекрасен отворен поглед и добро осветлување, но формата на станот е трапезна - има една коса страна. Важно за нас беше најдобро да го искористиме просторот без да има „мртви“ агли кои се тешки за чистење и се неискористени.
Во станот најпрво се влегува во хол кој води до дневната соба и трпезаријата. Кујната е мала, но рационално решена со сите неопходни функции. Од спалната се излегува на балкон кој го трансформиравме во мала зелена „оаза“ идеална за одмор и релаксација.
Форми материјали и текстури
Индустрискиот дизајн беше вистинскиот чекор при дизајнирање за двајца млади, со тоа што оддава чувство на урбан и кул дизајн. Маслинестата боја, бронзените детали и дрвената текстура се совршена комбинација за добивање на ваков амбиент.
Користевме иверки во беж боја и дрвена текстура кои се поедноставни, за да се даде акцент на маслинестата боја. Столбовите се обложени со дрвени вертикални летвички кои го прават просорот визуелно повисок.
Косиот дел во бањата е искористен за покомотна туш - кабина, додека во спалната на тој ѕид ги поставивме двата кревети и плакарот над нив. На овој начин се овозможува да имаат убава работна површина која им е потребна на студентите.
Бањата е дизајнирана со нежни мермерни тонови во комбиација со бронза и дрво, а додадени се и ѕидни техники на ѕидот кај огледалото во влезниот хол и во ѕидот со телевизорот во спалната соба, двете се во техника теракота.
Во ентериерот фигурираат заоблени форми кај трпезариската маса, лустерите како и огледалото во влезниот хол, иако доминантно формите се прави.
Погледнете повеќе слики во галеријата
